Ang "straight" kong kaibigan....

Last sunday morning while doing my habitual thing.. ang pag oonline, nakadaupang palad ko sa isang site ang lalaking ito. Nakalagay sa kanyang status is "friend" so expected na yun lang talaga ang hanap niya. Di ko nakaugalian na may message sa kung sino sino. kaya madalas sa hindi.. wala akong nakakausap kung wala akong imi message. Pero sa kadalasan na sila ang unang nagme message sakin.. na sa kasamaang palad eh usually SEX lang ang gusto.

Isang kakaibang intro sa message ang aking natanggap mula sa isang lalaki na ayun sa kanyang status na bukod sa friends lang ang hanap ay may nakalagay na "NEW".. ibig sabihin ay bago lang siya sa site. Ganito ang intro ng kanyang message na pinadala sa akin. "Umiinom ka ba?"

Gusto kong burautin at sagutin ng ganito.. "uu naman.. natural umiinom ako.. eh di sana patay na ako kung di ako umiinom!" hahaha Pero nasa katinuan naman ako kaya sinagot ko siya ng maayos at nagets ko naman agad ang ibig niyang sabihin. Kung umiinom daw ako ng alak. Kaya sinagot ko ng maayos.. Sabi ko "oo.. umiinom ako.. why ask?"

Sa kalaunan.. napunta kami sa Yahoo messenger.. at doon pinalawig ang aming usapan. Tanong ng kung ano ano.. tungkol sa kung saan saan. Sa takbo ng aming usapan.. napag alaman kong isa daw siyang "STRAIGHT".. ano daw? straight daw siya? Haller!!.. nasa isang GAY ORIENTED SITE siya.. tapos sasabihin niyang straight siya? Anyways.. mahabang kwento pa ito...

Umaga ng sunday kami unang nagkakilala sa chat.. then.. pag dating ng hapon ay nag aaya na siya ng inuman. Tinanong ko siya kung bakit niya ako inaaya ng inuman. Gusto lang daw niya lumabas at nabuburo na siya sa bahay. Wala ang ibang mga katropa niya at nasa work daw lahat kaya wala siyang makasama sa inuman. Tinanong ko din siya kung bakit sinasabi niyang straight daw siya at bakit doon siya sa site na yun tumatambay. Ayun sa kanya.. hindi daw siya ang gumawa ng account niya doon. Cousin daw niyang babae ang gumawa.. na itong cousin niya ay madaming friends na bi or gays. Binigay lang daw sa kanya ang account name at password at kaya siya nag online doon. Hmmmm... parang di nman acceptable ang kanyang explanations..

Sa pag chachat namin.. nag open siya ng webcam.. and he invited me to see him on cam. Well... mukha naman siyang mabait.. at may looks naman kaya ok lang.. At sa pag uusap namin... nabanggit ko sa kanya kung ano ako.. at anong klaseng tao ako.. Tinanong ko siya kung ok lang ba sa kanya na kahit "straight" siya ay magkaroon siya ng friend/tropa na gaya ko. Sagot naman niya ay ok lang daw.. sanay na daw siya sa mga tulad ko. Katunayan ay madami daw siyang mga friends na may malala pa kesa sakin. May tibursho pa nga daw eh.. at yung iba pa nga daw ay mga crossdressers pa daw... Hmmmmm.. parang lalo akong naiintriga sa pagiging "straight" niya huh..

Napagkasunduan namin tumagay nung araw ding yun. 6pm ang usapan naming magkikita. Takte!! sunday kaya yun.. nag dalawang isip ako kung papayag ba ako o hindi.. may pasok ako kinabukasan at di ako talaga usually na lumalabas pag sunday. But anyway.. since naiintriga ako sa kanya.. ayun sa kakapilit niya eh napapayag din nya ako. Siya naman daw bahala sa gastos.. gusto lang daw niya talaga uminom.. kaya... "sige.. bahala ka.. see you later.. 6pm.." lang ang naitugon ko. Nagpaalam muna ako at matutulog sandali para kapag nagkita kami maya ay may lakas ako.. inuman to.. kaya dapat may lakas.

Sa totoo lang di naman talaga ako natulog. Nag log out lang ako para makapag pahinga ng konti at mag ayos ayos ng mga bagay bagay dito sa aking kwarto. Saktong umulan ng malakas at naligo na din ako sa lakas ng ulan. Bago sumapit ang 5pm... nagtext ang mokong. "Gising na.. malapit na mag 6pm.." Sa isip isip ko.. excited ang mokong sa aming pagkikita. Mga dalawa at tatlong beses yata siya nagtext ng ganun. Sa totoo lang.. wala akong balak i meet siya. Bukod sa malakas ang buhos ng ulan.. wala talaga akong budget. Kakahiya namang lumakad na P200 lang ang dala kong pera. Pero sa kakapilit niya sa text..kalaunan nagreply ako at sinabing nag peprepare na ako at paalis na din ng bahay.

Saktong 6pm nang dumating ako sa lugar na aming usapan. Nagtext ako para ipaalam na ako ay dumating na at tanungin kung nasaan na siya. "hey, dito na ako.. san ka na?". Sa pagkakaalam ko mas nauna pa siyang dumating at nagsabi siyang antayin na lang daw niya ako pero wala akong makitang nag aabang sakin. Nagtext ang mokong.. "San ka na? ano kulay at suot mong damit?" Usual na tanong ng taong nagkikipag EB.. "Maong pants.. Poloshirt na gold" tugon ko. "hala... pwede pala kitang isangla niyan hahaha?" malokong tugon ni mokong. " Black pants at white tshirt suot ko"..

Medyo inabot na ako ng almost 15 mins wala pa akong nakikitang ganun ang suot. "san ka na ba? kanina pa ako dito wala naman akong makitang naka maong at white tshirt ah" text ko sa kanya. Mukhang nang i istir lang tong mokong na to.. "Kung may balak kang mag one way sakin.. goodluck na lang sayo.. nag aaksya lang ako ng oras sayo" matapos kong isend ang huling message ko, biglang may lumapit na isang lalaki... Nakastriped na tshirt at maong pants.. nakangiting sinabi..."eric?".. tiningnan kong mabuti ang kanyang mukha.. si mokong pala.. Sa totoo lang mas appealing siya sa personal kesa sa webcam...."white tshirt at black pants pala huh!! tsk tsk"... balak mo akong i oneway no? haaays..

Tawa ng tawa ang mokong... samantalang ako medyo seryoso.. inis ng konti. Sa lahat ng ayaw ko yung sinusubukan ako. Hindi kawalan sakin kung ako man ay i oneway.. Hindi ako manghihinayang sa taong nakipag meet sakin tapos ni anino man lang ay di ko nakita. Naniniwala naman ako sa salitang Karma.

Nagtungo kami sa isang maliit na KTV bar na malapit sa lugar kung saan kami nagkita. Ayun sa kanya ay doon daw sila madalas tumambay ng kanyang mga katropa. Sa bandang sulok kami pumwesto. Isa lang napansin ko.. Sa lahat na mga taong pumapasok doon.. mukhang kami lang yata ang medyo maayos ang pananamit. Yung iba naka sando.. shorts.. at tsinelas.. na mukha doon lang yata sa tabi tabi nakatira at nagpapalipas ng oras.. Sa isip isip ko.. ok lang. nasa sulok naman kami eh. Umorder agad siya ng 2 bottles ng redhorse. Patay.... redhorse.. madali pa naman akong malasing sa redhorse... at nag umpisa na ang aming kwentuhan.

Sa pagpapatuloy ng aming kwentuhan na naumpisahan namin sa YM.. napag alaman kong siya pala ay broken hearted. Iniwan ng kanyang GF matapos ang kanilang 8 years na relationship. Ipinagpalit daw siya sa isang probinsyano na nakilala ng kanyang GF at ito ang naging dahilan kung bakitito umuwi ng zamboanga. At nagkataong hindi available ang kanyang mga katropa nung araw na iyon kaya ako ang napili niyang ayain. "Tanong lang pre.. sa dinami dami ng tao sa site, bakit ako ang napili mong ayain?" tanong ko sa kanya. "Ang daming nag message sakin kanina sa pero lahat sila puro sex lang ang gusto, bukod tanging ikaw lang ang nakausap kong matino" tugon niya. Sa totoo lang kasi di ko naman ugaling mag message sa mga tao sa site para lang maghanap ng makakasex. "Nakwento ko naman sayo kung ano pagkatao ko diba? kung ano ang sexual preferences ko. Ok lang sayo?" muling tanong ko sa kanya. "Ok lang no!! ano ka ba.. sabi ko nga sayo, sanay na ako sa mga tulad mo. Madami din akong mga kaibigan na mas malala pa sayo, may mga crossdressers at tomboy pa nga eh. kaya dont worry sanay na ko."

Matapos ang 2 bottles ng redhorse.. order pa ulit siya ng another 2 bottles... another 2 bottles.. and another 2 bottles.. Putcha!.. gusto talagang lasingin ako nitong mokong na ito. Baka totohanin niya yung biro niya sakin na pag nalasing daw ako ay sa presinto daw niya ako papatulugin. Biro man iyon pero sa totoo lang natatakot din ako. Total stranger itong kasama ko. Ngayon ko lang nakainuman. Wala akong dalang pera, what if kung wala din siyang pambayad.. Patay akong bata ako! Nagtiwala ko masyado sa sinabi niyang siya daw ang sagot. Dumating pa sa puntong bigla na lang siya nawawala sa paningin ko habang busy ako sa pagtetext sa pag aakalang iniwan niya na ako, pero yun pala ay nagtungo lang pala siya sa CR para magbawas ng tubig sa kanyang pantog. Sabagay, naiwan naman yung kanyang yosi at lighter pati na yung binili niyang DVD sa tabi tabi. Kaya pinagsabihan ko siya na magpaalam naman siya kung aalis siya.

Sa tantya ko nakaka 22 bottles na kami ng redhorse. Namputcha!!.. lasing na talaga ako.. pinilit kong tumayo at magpunta sa cr para sumuka. Pilit kong ipinasok sa lalamunan ko ang daliri ko nang sa gayon at masuka ako at mailabas ko ang alcohol na sa tingin ko ay abot na sa aking esophagus na sa isang kanti lang ay bubulwak na. Naisuka ko nga ang certain portion ng lahat ng nainom kong beer.. kaya kahit paano ay nahulasan din naman ako. Samantalang ang kasama ko na naghihintay sa aming pwesto ay busy din sa pagkanta sa videoke. Marunong din naman kumanta kahit paano ang mokong.

Pagbalik ko, medyo ok na ang pakiramdam ko.. nabawasan na din ang akong pagkahilo. Sa tingin ko kay mokong ay di na din kaya. Sabi ko sa kanya, kunin na namin ang bill namin at pasado ala una na ng madaling araw. May pasok pa ako kinabukasan. Napansin kong nagpapawis ang kanyang ilong. Kumuha ako ng tissue paper at aktong pupunasan ko na sana ang kanyang ilong nang biglang "BWAAALK!" langhiya!!! di na nakapagpigil.. sumuka ang mokong. Nagkalat ang kanyang suka sa table.. sa floor... Eeeeeew talaga!!!.. Sinenyasan ko at sinabihan ang waitress para kunin na ang aming bill at kumuha ng basahan para linisin ang sukang nagkalat.

Dumating ang aming bill.. tumataginting na almost P800 ang lahat ng aming inorder.. kinakabahan ako.. what if kung walang pera itong kasama ko na halos gumapang na sa kalasingan.. ano na lang ang mangyayari sa amin. Hindi ko yata inisip na maghugas ng plato sa KTV bar na yun.. and worse matulog sa presinto. Pinakita ko kay mokong ang aming bill at sinabing bayaran na niya nang kami ay makaalis na. Gusto pa daw niyang umorder na beer. "Langhiya. may dalawang bote pa ngang natitira oorder ka pa sumuka ka na nga eh. Bayaran mo na para makaalis na tayo." Biglang nabunutan ako ng tinik at nawala ang kaba ko nang bumunot siya ng wallet niya at inilabas ang P1000 bill... syet.. mapera pala ang mokong. Habang naghihintay ng sukli.. inayos ko ang kanyang kalagayan.. pinunasan ko ang pantalon niya sa may bandang hita..nasukahan...gamit ang isang tambak na tissue na iniabot ng waitress..

Nang dumating ang sukli.. inalalayan ko siyang tumayo.. "naks.. parang tatay na tatay ang dating mo pre ah" nakangising umakbay sa akong balikat. "siyempre naman.. alangan ba naman pabayaan kita na gumapang palabas dito" tugon ko sa kanya.. Magkaakbay kaming lumabas ng bar patungo sa kalye kung saan kami nag abang ng masasakyan pauwi.

"pre.. diba malapit ka lang dito? ihatid na lang kita tapos bahala na akong umuwi" sabi ko sa kanya habang naglalakad. "Hindi pre.. sa iba ako uuwi.. sarado na doon sa bahay namin.. tsaka masikip doon wala akong tutulugan" ...tugon ni mokong.. "ahh daming bahay ah.. san ka ba talaga umuuwi? sige para na tayo ng taxi ihahatid na lang kita" sakto along the way lang pala ang mokong kung saan ako dadaan. Sakay ng taxi habang binabagtas ang kahabaan ng congressional ave.. nakaakbay pa din ang mokong.. at hinihimas himas ang kaliwang braso ko. napaisip ako.. what if kung sa motel ko dalhin ang mokong na ito.. daig pa namin ang magjowa sa pwesto naming iyon.. ang sweet.. pero hindi.. hindi pwede. baka mag scandalo si mokong pag andun na kami.. tinitimbang ko pa siya.. di pa ako sure kung talagang may certain percentage siya ng pagka bi.. kaya hayaan ko lang muna siya. Dumating kami sa lugar kung saan niya sinabing nakatira siya. Mukhang familiar naman ako sa lugar kaya madali kong na i guide ang mamang driver. Bumaba na si mokong at hinintay kong makapasok siya ng gate ng bahay tska ko sinabihan ang driver na dumirecho naman kami sa aming lugar. at sakto yung dala kong pera na pambayad sa taxi at nakauwi naman ako sa bahay ng maayos. And it was almost 3am.. namputcha.. 7:30 ang pasok ko.. i still need to travel by 6:00am...


So there.. Unang pagkikita namin ng "STRAIGHT" kong kaibigan. Sa next blog ko ikukwento kung ano mga kaganapan. Ang muli naming pagkikita..Pagpapakilala ko sa kanya sa ibang mga engkantos.. ang pagpasok namin sa motel/hotel.. ang mga kaganapan sa loob... ABANGAN!!!