joke time muna...

Kanina sa previous post ko.. nakakalungkot... ngayon medyo masaya naman... hehehe

================================================

BF: alam mo love, ikaw ang first girl na dinala ko dito.
GF: sinungaling. Sabi nila lagi ka dito!
BF: oo, pero ikaw lang talaga ang girl!

AMO: Inday, paalisin mo nga yung pulubi sa labas ng bahay.
(nilabas ni Inday)
INDAY: Off you go! Under no circumstance would this house relent to such unabashed display of vagrant destitution!
PULUBI: Oh! I'm so ashamed! Such a mansion of social climbing freaks!

(nakakuha na ng katapat si Inday!) NOSEBLEED!!


BOB: Nakaka magkano ka sa 1 araw?
PULUBI: Nag-uumpisa kasi ako ng 8am. Ngayon 9am na. Naka 80 na ko.
BOB: Hindi din masama noh? Ano mabibili mo niyan?
PULUBI: Pwede na tong isang espresso macchiato sa Starbucks!


In a Miss Gay pageant...

HOST: How can we uplift our economy today even though we are under economic crisis?
BAKLA: (namutla) Mga bakla! Akala ko ba miss gay ito? Quizbee pala!


1. Trulalu.
2. eklavu
3. eklavu.
4. trulalu
5. eklavu
6. trulalu
7. trulalu.
8. eklavu
9. trulalu
10. trulalu

-batang bading nagsasagot ng true or false na quiz.

Sa ospital....

NARS: Doc, bat tinanggihan nyo yung pasyente?
DR: Alin, yung bakla?
NARS: Opo. Baka sabihin namimili tayo, porke bading siya.
DR: Ano naman raraspahin ko sa kanya?


Kung nag GAY LANGUAGE sana sila GMA at GARCI eh di walang SCAM!

GMA: hallow gracia!
GARCI: uy mother ever! Na chenilyn de kimberlyn ko na po yung mga chuva ek ek.
GMA: bonggacious! Eh yung mga chenes chenes, carry na ba?
GARCI: flatshoes! Winnie santos mama, wiz na wori eclavou na ever. Na chorva na!
GMA: ang tarushki! Maldita ka talaga vruha ka! Eh di windra na naman watashi?!
GARCI: anufi ate.
GMA: oshah ba.


Sa Math Class...

Teacher: Banong, kung meron akong 1 piraso ng karne at hinati ko ito, ilang piraso na?
Banong: 2 po mam!
Teacher: At kung hnati ko pa pareho?
Banong: 4 na piraso po!
Teacher: Hinati ko ulit.
Banong: 8 piraso po.
Teacher: Hinati ko pa.
Banong: 16 po mam.
Teacher: Hinati ko pa?
Banong: 32 piraso na po!
Teacher: Kung hinati ko ulit?
Banong: 64 po! (nakangiti)
Teacher: At hinati ko pa? 2 beses ko pang hinati?
Banong: Ay susmaryosep mam! GINILING na po! GINILING!!!


Sa Bakery...

Pulubi: Palimos po ng cake.
Ale: Aba, sosyal ka ah! Namalimos ka lang, gusto mo pang cake.. eto pandesal!
Pulubi: Duh! Ate?! Bday ko kaya today?!?





ANAK: Tay mag-ingat kayo sa DANKTRAK!.
TATAY: ano ung danktrak?
ANAK: Yun pong trak na 10 ang gulong na karga buhangin?
TATAY: Tanga inde danktrak un...TEN MILLER!!!


Honeymoon...

BRIDE: Kinakabahan ako. Baka di ko makaya.. Parang natatakot ako.
GROOM- Kaya mo ito. Di ba dati may alaga kang ahas?
BRIDE- Oo nga, pero takot talaga ako sa UOD!!


BOY: Wala akong kwentang anak para sa inyo! Lahat ng ginagawa ko puro mali! Lagi nalang ako mali!!! Di 'nyo na ako mahal!
AMA: Nagkakamali ka anak?
BOY: Shet! Mali na naman ako!!!


Nanay: Ang lakas mo kumain pero di ka mautusan. Ang kapal mo!
Anak: Kapag yung baboy natin malakas kumain, natutuwa ka. Sino ba talaga ang anak mo, ako o ung baboy? Umayos ka nay! Wag ganun!


BF : May ibibigay akong gift sa iyo, pero hulaan mo muna!
GF: Sige, clue naman...
BF: Kailangan ito ng leeg mo.
GF: Kwintas?
BF: Hindi... PANGHILOD!


Sa loob ng Mall...

GUY: Love, yan ang dati kong girlfriend.
JOWA: Ang pangit pangit naman!
GUY: Wala akong magagawa, yan talaga ang weakness ko eversince...


JUDGE: Ano ba talaga nangyari?
ERAP: ? (di nagsasalita)

sulat ni tatay at ni nanay sa atin....

Share ko lang.... wala kasi akong bagong maisip na topic eh.
================================================

Sulat ni Tatay at Nanay sa Atin

Sa aking pagtanda, unawain mo sana ako at pagpasensiyahan.

Kapag dala ng kalabuan ng mata ay nakabasag ako ng pinggan

o nakatapon ng sabaw sa hapag kainan,

huwag mo sana akong kagagalitan.

Maramdamin ang isang matanda.

Nagse-self-pity ako sa tuwing sinisigawan mo ako.

Kapag mahina na ang tenga ko at hindi ko maintindihan

ang sinasabi mo, huwag mo naman sana akong sabihan

ng "binge!" paki-ulit nalang ang

sinabi mo o pakisulat nalang.

Pasensya ka na, anak. Matanda na talaga ako.

Kapag mahina na ang tuhod ko, pagtiyagaan mo sana akong

tulungang tumayo, katulad ng pag-aalalay ko sa iyo

noong nag-aaral ka pa lamang lumakad.

Pagpasensyahan mo sana ako kung ako man ay

nagiging makulit at paulit-ulit na parang sirang plaka.

Basta pakinggan mo nalang ako.

Huwag mo sana akong pagtatawanan o

pagsasawaang pakinggan.

Natatandaan mo anak noong bata ka pa?

kapag gusto mo ng lobo, paulit-ulit mo 'yong sasabihin,

maghapon kang mangungulit hangga't

hindi mo nakukuha ang gusto mo.

Pinagtyagaan ko ang kakulitan mo.

Pagpasensyahan mo na rin sana ang aking amoy.

Amoy matanda, amoy lupa.

Huwag mo sana akong piliting maligo.

Mahina na ang katawan ko.

Madaling magkasakit kapag nalamigan,

huwag mo sana akong pandirihan.

Natatandaan mo noong bata ka pa?

pinatyagaan kitang habulin sa ilalim ng kama

kapag ayaw mong maligo.

Pagpasensyahan mo sana kung madalas,

ako'y masungit, dala na marahil ito ng katandaan.

Pagtanda mo, maiintindihan mo rin.

Kapag may konti kang panahon,

magkwentohan naman tayo, kahit sandali lang.

Inip na ako sa bahay, maghapong nag-iisa.

Walang kausap.

Alam kong busy ka sa trabaho,

subalit nais kong malaman mo na sabik

na sabik na akong makakwentohan ka,

kahit alam kong hindi ka interesado sa mga kwento ko.

Natatandaan mo anak, noong bata ka pa?

Pinagtyagaan kong pakinggan at intindihin

ang pautal-utal mong kwento tungkol sa iyong teddy bear.

At kapag dumating ang sandali na ako'y magkakasakit

at maratay sa banig ng karamdaman,

huwag mo sana akong pagsawaang alagaan.

Pagpasensyahan mo na sana kung ako

man ay maihi o madumi sa higaan,

pagtyagaan mo sana akong alagaan sa mga

huling sandali ng aking buhay.

Tutal hindi na naman ako magtatagal.

Kapag dumating ang sandali ng aking pagpanaw,

hawakan mo sana ang aking kamay

at bigyan mo ako ng lakas ng loob

na harapin ang kamatayan.

At huwag kang mag-alala,

kapag kaharap ko na ang Diyos na lumikha,

ibubulong ko sa kanya na pagpalain ka sana ...

dahil naging mapagmahal ka sa iyong ama't ina...

Written by Rev. Fr. Ariel F. Robles

>CWL Spiritual Director

>St. Augustine Parish

>Baliuag, Bulacan

=======================

Forward message sa email ko ng isang kaibigan at habang binabasa ko ay ay nangilid talaga ang luha sa mga mata ko. Although mahal ko naman pareho ang mga magulang ko. May mga bahagi ng email na sapul na sapul talga ako. Sana mabasa niyo din at marealize natin kung gaano natin dapat mahalin ang ating mga magulang.